Gernika-Lumo eta inguruak ezagutzeko ibilbideak
13. ibilbidea. Morga aldera txangoa
Altxor txikiak
Sendabelarrak, antzinako botika
Naturak beti eskaini izan dizkigu gauza onuragarriak, baina, gaur egun, ez dugu honen mezua entzuteko betarik, itsututa bizi baikara. Antzina, farmaziarik ezean, etxean prestatzen zituzten hainbat gaitzen aurkako ukendu naturalak, inguruan zituzten belarrekin, sendabelarrekin. Berbena belarra, asuna, azeri buztana, saukua, hirusta, ereinotza... dira sendatzeko gaitasuna duten gure inguruko belarretako batzuk.
Ez dezagun galdu, gure arbasoek utzitako medikuntza naturalaren ondarea eta jo dezagun gehiagotan naturako farmazia aberatsaren atea.
