Gernika-Lumo eta inguruak ezagutzeko ibilbideak

20. ibilbidea. Berbalagun bertsotan

Ezagutu gure bazterrak

• Ganagako tontorretik esker bertsoak

  

  Zuri Pili:

  Ez zenuen espero 
  baina horrela da 
  gaur sorpresa batekin 
  gatoz zuregana.
  Laster jubilatuta 
  alpertuko zara, 
  eskerrik asko Pili
  mundiala izan da.

  Zuri Txiki:

  10 urtetik gora
  hamaikatxo bazter 
  ezagutu, gozatu 
  ditugu zuri esker.
  Ganaga tontorretik 
  diotsugu ozen, 
  gidari onik bada 
  hori dugu hemen.

  Eta zuei ere:

  Gidari onak beti
  behar du taldea
  eta guk izan dugu
  benetan suertea.
  Laguntzeko prest beti
  bata zein bestea,
  eskerrik asko ekipo
  izan da ohorea.

• Ardoari bertsoak, topa!

  

  Bagila heldu da ta 
  ardo dastaketa;
  kontu merke ugari 
  eta berriketa.
  Pasatu barik pasa
  gaurko ariketa,
  hau ez da Azketaren
  gaseosa eta.

  
  Urteroko zitara
  gaur be Ramon Bilbau,
  esan orduko Baste
  prestatu da ri-rau.
  Bai, bai eskerrik asko
  pozik entzungo dau,
  baina askoz pozago:
  hau bai ardoa hau!!!

  
  Baltza bizigarria,
  zuria freskoa,
  mahatsaren ur eztia
  eta legezkoa,
  mendi martxa ostean
  hain beharrezkoa.
  Egarri geratzea
  ez da bidezkoa

  
  Logurak uxatzeko
  goizeko garoa,
  BERBALAGUNek bero
  jartzen dau giroa.
  Baina, baina sarritan,
  hau egi sanoa:
  berbea baino lagun
  hobea ardoa

  Hartu kopak eskuan,
  gora eta behera;
  ezkerrera, eskuma,
  aurrera, atzera;
  gero klink egin eta
  aho barrenera,
  usaia ta gustua
  dastatuz batera.

  Gidari hobezinak
  hona eta hara;
  ibilbide politak,
  ahoan euskara.
   Agur, gozatu ardo
  zaharraren zirrara.
  Datorren irailean
  elkartuko gara.